Ынтамен оқу

Біздің технологиялар дамыған заманда кітаптың құны төмендеп кетті... Кітап оқудың арқасында сөйлеу қабілеті дамиды, сауаттылық артады! Кітап өз ойыңды жеткізуге және басқа адамдардың айтқанын түсінуге үйретеді; бірге уайымдау қабілетін арттырады; ұрпақтарды біріктіреді. Әсіресе ауызша және жазбаша сөйлеуінде әртүрлі ауытқулары бар балаларда өзекті. Адам өмір бойы өзінің сөйлеу қабілетін жетілдірумен болады. Сөйлеуді меңгерудің ең маңызды кезеңдері мектепке дейінгі және кіші мектеп жасына тиесілі. Сондықтан балалардың сөйлеу қызметі, тілдесуі үшін жағдай жасау қажет.

Кішкентай балалар ересектерге еліктеуді жақсы көреді, сондықтан оларға үлгі болыңыз – теледидар және компьютер қарағанша, қызықты кітап оқыңыз.

Сәбилерге қысқа өлеңдер мен ертегілерді мәнерлеп тұрып оқып беріңіз. Өлең мәтіндері тыныштандырады және ырғақ сезімін тудырады. Ертегі оқығанда баланың қызығушылығы мен қиялына ерік бере отырып, ең қызықты жерлерге тоқталыңыз. Шығармашылық туындыны оқығаннан кейін баламен бірге – ертегіні суреттеуге, сүйікті батырларды жапсыруға, табиғи материалдардан бастырма, бұйым жасауға болады.

Балаға өзін жазушы сезінуге мүмкіндік беріңіз – сүйікті туындының жалғасын ойлап тауып, безендіріңіз. Жеке кітап жасауға болады – жануарлар саябағына саяхат немесе жазғы каникул туралы.

Балаларға күн сайын кітапты дауыстап оқыңыз, мұны әдетке айналдырыңыз, жылылық пен жайлылық ортасын жасаңыз.

Балаларға кітап сыйлаңыз!

ШЫҒАРМАШЫЛЫҚ ӘДЕБИЕТПЕН ТАНЫСУ МЫНАЛАРДЫ ӨЗ ІШІНЕ АЛАДЫ:

• Әдеби туындыларға суреттемелерді қарау;
• Шығармашылық сөз шеберлерінің орындауындағы дыбыс жазбаларын тыңдау;
• Өлең жаттау;
• Хикаялар оқу;
• Ертегі айту;
• Шығармашылық туындылар сюжеттері бойынша сурет салу және бұйымдар жасау – көрмелер ұйымдастыру.